كتب عزت زيدان

..نعم فيه قتل ودمار ،،كل يوم بيمر علينا نشعر بان الدنيا رايحه فى حته تانيه اللى ،قتل ،اولاده ومراته…. واللى قتل احدى والديه …واللى دبح فى ،،الشارع ،،وماشى حامل رأس القتيل وكأنه ،،حيوان فى غابة… واللى أتغش طوال حياته من زوجته فخطفهم وراح يربيهم فى حته بعيدة رغم كل المساوء هذه الا انه عمل فردى لايمثل مجتمعنا ولا اهل تلك المناطق…فهم اهل خير وبر وعلم وفضل بين الناس… لسه بنقول ،،الدنيا بخير ،،وأنهم قله قليله ومش كل الناس كده وبنطمن نفسنا بس اللى حصل فى الاخر لبسنت يوجع ويخوف ويقتل كل الخير اللى جوانا.. بنت بدون قصد تنزل صورتها على الفيس قام المجرم بقص ولصق على صور مخله بنت فى زهرة حياتها 17 سنة ضعيفه لاتسطيع مقاومة الاوغاد وسحرت فرعون ولا تستطيع ان تنجوا بنفسها وتكون نهايتها (الانتحار ) إلى هنا ..والامر خطير جداً لان الجانى ليس من قص الصوره فقط هم فى الاخر شخص او شخصين على الاكثر انما العنصر الاكبر هو (المجتمع ) نعم فالمجرم سوف ياخد جزاءه سواء كان فرد او إثنان ولكن المجتمع الذى ساهم بشكل مباشر وعمل تدوير للصور وتناقلها ذلك او تلك وكل شخص يعرف بسنت تناوب على تدوير وتصعيد المشكلة الى بحجم مخيف من يحاسب .المجتمع ؟؟؟ يترى بقى ايه الحكم على المجتمع اللى بيموت فى الفضايح الذى يدعى الفضيله من يحاسب من رفع غطاء الستر على الضعيفه بتدوير صورها المفبركة لكل أهل منطقتها وجيرانها المجرم سوف يحاسب ولكن من يحاسب هؤلاء… المجتمع عايز يتقبض عليه ويتحاسب وهو نفسه اللى بيطالب بالقصاص العادل …ولن يكون هذا الحادث هو الأخير فعدسات الفون تلتقط وتنتهك وتفضح كل لحظة وآخرهم وليس اخر ،،المعلمة،، التى ترقص صاحبة المبادئ التربوية الزوجة والام لثلاث اولاد نعم المشهد خطئ ويستحق وقفه ولكن الحل ماكان بتداول المقطع وكما فعلوا مع بسنت وربما ذلك الجرم يكون له صدمة كبيرة لأسرة مكونة من أم وأب وثلاث أطفال ياتري ماذا يكون رد فعل الزوج وماذنب الأطفال اكيد يسبب لهم ضرر سواء كان نفسى او فكرى … من يحاسب المجتمع الشريف العفيف من يأخد حق هولاء من المجتمع …فكلنا أصحاب عيوب لاترفع غطاء الستر عن الناس فيرفع الله عنك غطائة
،،جريمة المجتمع ،،أكبر من جرائم الفرد كفوا ايدكم عن الناس ..
وكما قال الرسول الكريم (ص) كل بنى آدم خطاء وخير الخطائين التوابون
. وقال عيسى (عليه السلام )من منكم بلا خطيئه فليرمها بحجر