كتب…طارق سالم
في ظل تغيير مناخ الحياة ومتطلباتها ومشاكلها وزحمة قراراتها المعيشية والحياتية اليومية كل منا في حاجة ماسة إلى أن يعيش في سلام نفسي وعقلي مع نفسه أولا ثم مع افراد المجتمع بكل طوائفه المختلفة بطباعها وثقافتها وقرارتها وتعاملاتها وأشكالها وسلوكياتها .
فتعالوا بنا نتعرف على ماهو السلام النفسي حتى يتسنى لنا أن نعيشه بسلام وأمان :
السلام النفسي هو لما تكون حالتك العقلية والنفسية هادية ومرتاحة لما تكون بتحس بالسلام الداخلي والراحة من جواك وما تكونش متوتر وقلقان من حاجة معينة ووقتها بيكون عندك القدرة على التعامل مع المشاكل يمكنك مواجهة الضغوطات بطريقة هادئة وفعّال والقدرة على الاستمتاع بحياتك وعلاقاتك الاجتماعية . بشكل إيجابي
تحقيق السلام النفسي والعقلي والعيش بهدوء وسلام .
إذا كنت بتدور على الهدوء والراحة النفسية في الحياة اللي دايماً مليانة زحمة فـالسلام النفسي هو الحل اللي بتدور عليه السلام النفسي مش بس كلمة ده طريقة حياة السلام النفسي مش بس بيعبر عن راحة البال ده بيعبر عن رضاك الداخلي وقوتك العاطفية والعقلية.
لما يكون طموحك قوي وحالتك العاطفية مستقرة ها تشوف الحياة بمنظور مختلف تماما
فـالسلام النفسي هو مفتاح الحياة الإيجابية والمستقرة لكنه يحتاج لاستثمار في نفسك وفي علاقاتك وفي صحتك بس النتيجة هتكون حياة أفضل وأكثر سعادة وراحة.
كيف تعيش في سلام نفسي؟
عش حياتك بسلام داخلي وراحة بال بالطرق البسيطة دي:
- خلي بالك منك: اتقبل نفسك زي ما انت بلاش مقارنة مع الناس اللي حواليك كل واحد فينا عنده شخصيته المستقلة .
- كون متفائل: مهما كانت الظروف حاول تشوف الجانب المشرق وتفكر بشكل إيجابي.
- افهم نفسك: حاول تفهم نفسك وتحس بمشاعرك وتتعلم ازاي تتعامل معاها بشكل صحيح.
- عيش حياتك: اعمل الحاجات اللي بتخليك سعيد ومرتاح وخليك بعيد عن الحاجات السلبية والناس السلبية.
- علاج القلق والتوتر: إذا كنت مضغوط أو متوتر اعرف سبب القلق وحاول تحله بدل ما تعيش مع القلق بشكل دايم.
- الاستمتاع باللحظة: عيش اللحظة واستمتع باللحظات الجميلة من غير قلق على المستقبل.
وتمنياتي للجميع بالعيس بسلام نفسي وعقلي حتى يتمتع بالأمن والامان بالحياة
