بقلم ..عبد التواب الجارحي
عظم شهيدك ياوطن مع كل طلعة يوم جديد
تشرق شموسك ياوطن تغرس جيناته فى الوليد
تكبر أسودك ياوطن تثأر لدمك يا شهيد
مليون تحية لكل شهداء الوطن فى ذكرى يوم
ذكرى استشهاد البطل الفريق اول عبد المنعم رياض اليكم قصيدة زفة الشهيد
ياننى عين الوطن
يابو الجين مرفوع
وسندها وقت المحن
ياشدوها المسموع
يانبضها يا حسها
ياحصنها يا درعها
يا كبدها الموجوع
خليتنا ليه ف زفتك
نبكى دما ودموع
ياننى عين الوطن
ياللى فديت أهلك
تعظيم سلام يابطل
دى الحور بتشتاقلك
إدعيلنا وانت هناك
علشان نكون جنبك
يالى رحلت بشرف
وحما الوطن همك
ملعون ابو اللى خانوك
بكوا عيون امك
وإنت اللى كنت هناك
جاهز ومتحضر
والحور بتستناك
بالمسك والعنبر
ياننى عين الوطن
يابو الجبين وضاح
وعلمها كان ليك كفن
يارمز كل فلاح
آن الأوان يابطل
تطلع عشان ترتاح
والجنة تتعطر
تعظيم سلام يابطل
باللى فديت اهلك
إدعيلنا وانت هناك
علشان نكون جنبك
