بين الهوانم… ست


كلمات…. مرڤت عبد العظيم
أنا بلدى فلاحة انما ..
بين الهوانم..ست…
أنا بلدى شقيانة انما
وقت الشدايد فهد…
أنا بلدى عطشانة انما ..
تروى المداين شهد..
أنا بلدى من عمر الزمن……
والعزم لم ينهد..

حبيبتى من صبرها…..
الصبر ما له رد…
عودها خضاره سر..
بالضرب فيه… يشتد…
فى لون عينيها الليل ..
والصبح فوق الخد..
و النيل يلف بلاد…..
.مش ﻻقى زيك حد…..
عشقك مع الموال…
والحب ما له حد..

أنا بلدى طول عمرها…
مطمع لحسادها…
ييجي وفاكر إنها …..
عاشقة لجلادها….
ويا دوب يخطيها ..
بدروبها واوﻻدها…
يدوب فى أيامها..
يحفظ اناشيدها….
ويروح وﻻ يرجع…
حسرة على بعادها…

حبيبتى من حسنها يروى التاريخ اشعار…
لو يوم لمسها عدا…نورها بيصبح نار…
جرب وﻻ تقرب ……او كمل المشوار …
اصل اللى حامى مصر دا كاشف اﻷسرار…
يا أهل مصر افرحوا…فى عهدة الستار…

Loading

Ahmed El sayed

Learn More →

اترك تعليقاً