الشعب اللي بيحتفظ بأكياس السوبر ماركت و كارفور و فتح الله علشان يعملها أكياس زباله..
الشعب اللي بيحتفظ ببرطمانات المربي الفاضيه علشان يعملها علب توابل..
الشعب اللي بيحتفظ بعلب الحلاوه الطحينيه ويغسلها علشان يعملها علب للتلاجه ويحط فيها الساندويتشات لعياله وهمه رايحين المدرسه..
الشعب اللي بيشيل هدوم الولاد والبنات الصغيرين لما يكبروا .. وتفضل الأسره تتوارث هذه الملابس من الأخ للأخ الأصغر ومنه لأبن الأخت الأصغر ..
الشعب اللي يوم ما الست تحب تجامل جوزها تديله حته كبيره م الفرخه
و يا سلام لو كانت الحته دي من الصدر تبقي ليله يا عمده ..
الشعب اللي لما يشتري كيلو سمك بيعد السمك و يقسمه على عدد افراد الأسره وهو واقف قدام البياع ..
الشعب اللي بيقضي الشتا من غير ما يشتري هدوم شتوي .. سنه وانتين وتلاته وصابر وساكت..
الشعب اللي اتغرب في بلاد العالم كلها علشان يستر نفسه بجواز ولا يستر اهله في بيت..
..
الشعب اللي بيستنى كل شهر علشان يقف في طابور طويل قدام البقال علشان يوفر ١٠٠ جنيه..

الشعب اللي بيعمل كل ده ما ينفعش تقولة الحاجه اللي تغلى ما تشتريهاش .. لأنه حرفيا مش بيشتري الحاجة إلا للضرورة والضرورة القصوى .. إلا إذا كنتم بتتكلموا عن شعب تاني عايش معانا وأحنا منعرفهوش .. .
هتقولى انت مين ؟؟؟
هقولك انا ابن من ابناء هذا الوطن الاصيل الذى اعطاك صوته لتوفير حياة كريمه له و لكل مواطن فالدولة
ارفع لك القبعه و انحنى لك تقديرا لاستئصال سرطان الارهاب من العالم اجمع. . الاخوان .
انظر جيدا لشعبك يا قائد مصر و ارجع لما تعاعدنا عليه و وعدتنا بها و نثق فى رؤيتك و ريادتك الحكيمه .