بقلم…عبدالتواب الجارحي
شوفت الكلاب ولاد الهفق
عاملين اسود برا النفق
وفجأة إييه جالهم وشق
ومن ضهورهم قام عفق
وهوبا نط اوام رشق
تسلم مخالبك يا وشق
يا اللى عبرت من النفق
أسد جسور وقت السحور
عضعضتهم ساعة غسق
تسلم مخالبك يا وشق
منين جابوك يا ابن الملوك
يسلم أبوك ما أجملك
حارس الحدود منذ الجدود
و ع المعابد ليك وجود
ربوك فهود ما أنبلك
يحميك إلهى يا وشق
وتعيش مربيلهم قلق
تعظيم سلام لك يا وشق
يا اللى رشقت ابن الهفق
وتعيش مربيلهم قلق
……….
بقلم عبد التواب الجارحى الفيوم سنورس منشأة بنى عتمان
٢٣ /٣/٢٠٢٥
