عندما لا تمتلك الشعوب فكرا و رؤية و لا تجد لنفسها مكانة بين المتقدمين و التنوريين و أصحاب العلم فتبحث عن خزعبلات لتصنع منها بطولات مزيفة معتقدة انها انتصار و لكنها في واقع الأمر انكسار و انحدار و سراب و دونية و لكنها أساليب انتهازية و عنصرية لا تطول كثيرا و تتجه الي الانهيار و الدمار
أنا مش فاهمه سر الاحتفاء والأفراح والليالي الملاح اللي بيعملها بعض المهاويس خاصة في الريف عند دخول شخص من دين آخر إلى الإسلام،خاصة لما تكون بنت!! بتبقى الفرحة فرحتين وكأنها غزوة جهاد وفتح القسطنطينية ،مش حنبطل الهوس ده؟!مش حنبطل حفلات زار الدروشة الدينية اللي بتتعمل وبتمزق وحدتنا الوطنية؟! ونخف شويه من تلك الهيافه التي تفسر قوة الدين بالعدد حتى ولو كان العدد ف الليمون كغثاء السيل ،وعشان أثبت لكم ان اللي بيعملوا الاحتفالات دي بيعانوا من احساس الدونيه والنقص ،الأسماء دي مش بهانه وأم الخير وشحاته أبو كف.. ،اللي دخولهم أو خروجهم من دين هيعمل أي فرق أو صدى ، مع كامل الاحترام لهم ، الأسماء دي لنجوم مشاهير ، مجرد لقطة منهم في اعلان بياخدوا عليها ملايين الدولارات، منهم نجوم هوليود ومنهم عبقري أبل ومنهم لعيبة كوره وجولف.. هؤلاء النجوم اعتنقوا البوذية بعد قراءة وتعمق ، مزاجهم كده ومقتنعين بكده وماحدش سألهم ولا حاسبهم ، المهم إن بلدهم أمريكا مازعلتش ولا كفرتهم ولا اتهمتهم بالرده ولسه بتعاملهم على إنهم نجوم لامعة ومحترمة،والصين وغيرها من الدول البوذية لم تهتم ولم تحتفي ولا أفراح ولا ليالي ملاح ولا كأنها سمعت عنهم أساساً ، السؤال ليه ؟؟ لأنهم شعوب متحققة في الشغل والعمل والانتاج والعلم ومش فاضية ولا عندها وقت لتفاهاتنا وهلوساتنا ،هي دي الحقيقة المره .
