كتب… طارق سالم
هو معتش ورانا غير الموقف وسيرته الا اصبحت على كل لسان من القاصى والدان دون جدوى من الحديث عنه لدرجة انه نفسه تعب ومل من الكلام عليه . وقال سيبونى بحالى يرحمكم الله
… هو خلاص اصبح امر واقع والناس بدات تتعود عليه حتى ولو بشوية مجهود وشوية مصروفات واهو ماشى الحال ليه كل شوية ننغص على الناس حياتهم ونفكرهم بانه موقف بيخرب البيوت ويخرب الجيوب . وكل شوية كل من هب ودب مش لاقى حاجة تتعمل بالبلد يرجعنا لسنين فاتت ويرجع اوجاع الناس بعد ما شفيت من الامه .
… هى بلدنا دكرنس متكملة المرافق . هل دكرنس مكتملة البنية التحتية . هى دكرنس مكتملة طرق جيدة يصلح السير عليها . هل دكرنس فيها اكتفاء من توفير مياه الشرب . هل دكرنس فيها وحدة انقاذ نهرى يحافظ على ارواح اهلها . هل دكرنس فيها وحدة مطافى كاملة المعدات لتجنب حراق الادوار العليا بالابراج او العمارات . هل دكرنس فيها مجلس محلى يقوم على توفير كافة وسائل الامن والامان للمواطنين من فتح الطرق وازالة الاشغالات . هل دكرنس فيها وحدة مرور لتنظيم الشوارع ومعاقبة المخالفين . هل دكرنس فيها حل للباعة الجائلين بالشوارع وعمل مكان مخصص لهم . هل دكرنس فيها ما يحتاجة المواطن من علاج بالمستشفى والوحدات الصحية . هل دكرنس فيها املاك دولة تخصص لاى مشروع يتم اقامته عليها . هل دكرنس فيها مكان مخصص للحوار المجتمعى مثل قصر الثقافة المغلق من اجل وعى المواطن وتفهمة لاى اقتراح ووعية لما هو نافع له . هل دكرنس بها احزاب حقيقية تشارك المجتمع وتعمل على اقترحات وحلول لمشاكله . هل دكرنس فيها مراقبة حقيقية من اى جهة مسئولة تراقب وتحاسب وتقنن الفساد .
…. للاسف بلدنا فى حاجة الى كل هذا واكتر وياريت ننسى بقى المسلسل البايخ بتاع الموقف ده وندور على ماهو فى حاجة المواطن واهتماماته حتى يتسنى له العيش بسهولة ويسر .
… ياريت بقى ننظر الى حلول جديدة لما هو قادم وننسى ماهو قائم بالفعل .
… سيبوا الموقف بحالة وسيبو الناس بالامها وبلاش كل شوية ننغص عليهم حايتهم ومعيشتهم وخليها ماشية ونفكر بالمشاكل الاخرى وحلها .
اتمنى لبلدنا الصالح العام على يد اى من كان مواطن او مسئول او قيادة او نائب حتى نرتقى ببلدنا ونسعد اهلها .
.. وبالتوفيق للجميع