الشذوذ.. الخمره.. جايزه صلاح..الدوري الانجليزي..ابو تريكه..البطولات الحقيقيه والبطولات الوهميه .
لعبه جامده عايزه فنجانين قهوه وقاعده رايقه
فاضيين … تمام نبداء
طبعا موضوع الشواذ مرفوض دينيا مهما كان الدين وما فيه مزايده وكلام كتير ومش لسه هنقول مرفوض وغلط وحرام دي حاجات بديهيه منتهيه
ولكن اللي حصل وكان هيبقي سبب في سحب تنظيم كاس العالم من قطر هو موضوع الشواذ وخاصه حدوث استهجان علي كل مواقع التواصل الاجتماعي قبل تصريح ابو تريكه بشهور وقطر رسميا علي لسان ناصر الخاطر الرئيس التنفيذي للمونديال في حديثه مع السي ان ان قال قطر تحترم تقاليد وعادات الاخرين و تأمن حياتهم و قبل كده استقبلت قطر المغني الشاذ جورج مايكل وعمل حفلاته هناك بدون اي اعتراض او تصعيد ولكن موضوع رفع اعلام الشواذ وضع قطر في وضع حرج للغايه وكان لابد من يبان انه مضغوط عليها اعلاميا وشعبيا لكي يتم التوافق علي عدم رفعه لكن اللعيبه والجماهيير الشواذ هيروحوا عادي جدا واشهرهم اللاعب الاسترالي جوش كوفالو واللي ناصر الخاطر قال انه مرحب به حتي لو قبل البطوله وتأمين حياته مسؤوليتنا
نيجي بقي لموضوع تصريح ابو تريكه ومقاطعه الدوري الانجليزي مع ان الاولي كان نادي بمقاطعه تركيا رياضه وبضائع اللي الشذوذ منتشر فيها وبيعملوا احتفالات في الشوارع في نهار رمضان و المفروض انها بلد مسلم فالمبادئ لا تتجزء يا تريكه ولكن الموضوع جاء تزامنا مع فوز محمد صلاح بجائزه القدم الذهبيه و امتنان العالم لتقديمه زوجته لاستلامها فرسائل صلاح التي اوصلها باتقانه واخلاقه جعل اسم محمد محبب للاوربيين واصبحوا يهتفوا لسجداته ويأمنوا علي دعائه ويتغنوا بتواضعه واخلاقه وكيف الاسلام كرم المرأه ويحترمها ويقدرها.فقد حاز احترام وحب العالم وقدم الاسلام بصورته الصحيحه التي كانوا ينفرون منه قبلها ويرونه دين الهمج والارهابيين فكان لزاما انتقاص النجاح والشعبيه الجارفه بأنه من يلعب مع الشواذ ويدعمهم ومن اوضح الصوره ان نفس المواقع اللي عملت تصريح ابو تريكه ترند و بعد اي اهداف لصلاح لازم ينزلوا اجوان لابو تريكه وخاصه مباراه مصر والبرازيل علشان يفكروا الناس بيه وان صلاح ليس الاوحد الموهوب هي هي نفس المواقع اللي بدئت الان هجوم مكثف ممنهج ضد صلاح عن سؤال حيعمل ايه لو تم اجباره لشرب الخمره ببريطانيا وهو قال محدش هناك بيقدر يجبر حد علي حاجه هو مش عاوزها وانا معنديش فضول ليها ومش عايز اجربها
ودي اجابه عن هل يجبروه ام لا وليس عن الخمره حلال ام حرام لانها بديهيا حرام ولكن نفس المواقع هي هي اللي قادت حمله التشويه و عمل مقارانات بين ابو تريكه وصلاح لهدم شعبيته ورفع شعبيه ابوتريكه وتحسين صورته بعد انتقادات جارفه من احتفائه باهالي الارهابين قتله ضباط قسم كرداسه ومساعدته لهم وعدم استنكاره استشهاد جنودنا في سيناء الخ احنا مش محتاجين حد يقولنا ان الشذوذ حرام ولا الخمره حرام احنا محتاجين ناس وطنيه تستغل ذكائها وموهبتها وأتقانها في عملها لتقديم صوره الاسلام الصحيحه وبالافعال وليس بالكلام
