انا طالبة طب اسنان من الفيوم بدرس في اوكرانيا في جامعة لوغانسك في مدينة روبجني التابعة لمدينة لوغانسك الانفصالية اقصي الشرق صحينا يوم الجمعة الساعة ٤ الفجر ع صوت القذف في كل مكان وصفارات انذار الاخلاء شغالة ومش عارفين نروح فين عشنا في توتر اعصاب ورعب مش طبيعي ايام عدت علينا سنين كل الناس بتتحرك ع بولندا وباقي الدول واحنا مش عارفين عشان احنا اقصي الشرق وهما اقصي الغرب والمسافة ١٤٠٠كم في الوقت الطبيعي بتاخد ٣١ ساعة تخيل تركب قطر الوقت دا في وسط القذف ،،كلمنا مسئول من الجامعة هيطلع قطر اخلاء للطلبة الاجانب وقال هتركبو واي مدينة امنة انزلو يعني راكبين مش عارفين هنوصل فين واضطرينا نركب وننزل في اي مدينة في الغرب قالو هاتو اكل كفاية نزلنا الماركتات مفيش عيش مفيش حاجة بسكوتات بس والايام اللي عيشناها قبل نفس الكلام الموارد الغذائية بتنقص الدولار مفيش العلاج مفيش ميه مفيش،،ركبنا قطر اخدنا ٣ ايام سفر عشان نوصل سلوفاكيا ،،
دور السفارة المصرية في سلوفاكيا‼️??
اخدونا بباص من ع الحدود ع اعلي مستوي #مجاناً اخدونا ع فندق لقينا #مسترمحمودجودة (موظف بسفارة جمهورية مصر العربيه في براتسلافا وابن من أبناء المؤسسه العسكريه)واقف منتظرنا بنفسه اخدنا يسكنا في الغرف كويسة جداً قعدونا مع اصحابنا ريحونا جداً في كل شئ
نفس اليوم تعاقدو مع مطعم مصر يعملنا وجبات غدا وعشاء #مجاناً كل يوم ودا تطوع من شاب مصر اسمه #سيدفتحي Sayed Fathy كان بينزلنا احسن الوجبات وحلويات بعد كل وجبة وكوفي وقالو كمان كل واحد يختار وجبة بس بصراحة احنا كنا معجبين جداً باكلهم لانه كتر خيرهم مجاناً وكان مستر محمود جودك بيتابع معانا بنفسه الاكل وجودة الاكل وبيطمن علينا واحد واحد كل يوم ومستر #زيادبسيم القنصل المصري في سلوفاكيا كان بيجيلنا كل يوم ويشوف لو اي حد عنده مشكله ويحلها ويطمنا انه هينزلنا في اقرب وقت????
????❤️ وسيادة السفير المصري #باسم_خليل في سلوفاكيا كان بيكلمنا يطمنا وفضل معانا في المطار لحد مطلعنا ع الطيارة اللي هيا مجاناً وادونا وجبة اكل وعصاير وميه وكان كل شوية يدونا ساندوتشات زيادة❤️??
????????
شكرا. دولة مصر العظيمة اللي مسبتناش ووقفت في ضهرنا وتحملت كل التكاليف انا فخورة اني مصرية????????
اي كلام هيتقتل مش هيوفي وقفتكم معانا
شكراً فخامة الرئيس #عبدالفتاح_السيسي❤️??رئيس جمهورية مصر العربية ❤️??
السفارة المصرية
