بقلم…عبدالتواب الجارحي

(زمن الترند والفلوس)
………………..
الزمن …. جاب آخره عندى
والمعيشة… باااااخت يافندى
لو ما فيش … غير اللى عندى
عمرى ع الاخلاق… ما أدوس
………………
عمرى ما هبيع.. للى يدفع
حتى لو.. نصبوا لى مدفع
عمرى يوم.. ماهكون جاسوس
أو اوطى.. لحد أبوس…….
أمريكان.. أو حتى روس
………………….
اللى.. جاى بفلوسه شارى
جاى.. يعيد زمن الجوارى
فكره.. ها يغير خيارى
أو.. هيغرينى بفلوس؟
……………….
دا التاريخ.. من طينها بادئ
والعلوم.. ويا المبادئ
والسماحة.. ف طبع ناسها
شيئ مايتبعش.. بفلوس
…………….
كل حبة.. رمل فيها
جزء منى.. وروحى فيها
كل شبر.. وناحية فيها
رجلى يوم خطت عليها
عمرى.. ما هابيعها بفلوس
…………………..
عمرى.. ما اعرضها ف مزاد
أو أهين…. أم البلاد
واللى واقف… ع الحياد
يبقى خاين.. او جاسوس
………………
واللى.. يجرى ورا الترند
وبسفالة ما ليها حد
ذل نفسه.. وباع كرامته
فوق دماغه.. الناس تدوس
…………،…
كل عمرى.. وهبته ليها
عمرى.. ما فرطت فيها
عشت عمرى.. أمين عليها
وف سبيلها.. تهون نفوس
………………..
أرض طاهرة.. ب اللى فيها
والآمان.. والرزق فيها
وصى ربك يوم نبيها
قبل ما يخطى عليها
يبقى حافى عشان يدوس
……………….
مصر.. هى الكون يا سادة
اسمها.. ذكر وعبادة
واللى ليه عزم وإرادة
مستحيل.. ها يكون ديوث
…………………
سيدنا عيسى.. إددارى فيها
والنبى.. وصانا بيها
وف رباط… دايما بنيها
يدوا للعالم دروس
……………….
واللى أنزل وحيه فيها
واللى أقسم باللى فيها
أو تجلى ف يوم عليها
قادر انه يصون بنيها
يحمى أرضى واللى فيها
م السماسرة والتيوس
………………