بقلم الكاتبة…زيزي صلاح

أصدقائي واخواتي الاعزاء تعالو نتكلم و ندردش شويه مع بعض
ونقول كلمتين من القلب ايه الفرق بين زمان ودلوقت وليه الكل بيتمنا لو الزمن يرجع بي تآني علشان زمان كان في كل حاجه حلوه عشرة الناس اخلاق الناس كانت الجران مع بعضها بيت وحد كان الجار قلبه على جاره بيخاف عليه بيفرح لفرحه بيزعل لزعله كانت الجران كلهم في اي مكان عباره عن بيت وحد الاولاد كلهم اخوات مفيش حاجه اسمها ابن فلان او ابن فلانه
كان في ترابط وحب قوي كانو اهل بمعنى الكلمه مش مجرد جيران كان البيت اللي في بنت كان كل الشباب في المنطقه يحموها وبيخافو عليها وفي غيره ونخوه لو حد غريب بصلها أو كلمها كانو الشباب كلهم في الوقت ده بيكونو اخوات ليها وإزاي حد غريب يتعرض لي اختهم كان في خير وفي بركه في كل حاجه علشان كان في إخلاص وفي حب بين الناس كان الجيران
يتجمعو مع بعض في أي مناسبه كلهم ايد وحده وقلب وحد
كانت ست البيت اللي تعمل حاجه حلوه أو أكله حلو ه لزم الجيران يكون ليهم نصيب فبها لزم يدقو الحاجه الحلوه دي
مينفعش نكلها لوحدنا كان كل شئ جميل وله طعم مع الجيران والصحبه الحلوه دلوقتي معدش حد بيطبق حد الجران النهارده
يمكن ميعرفوش بعض وفي ناس لو الجار بيستنجد يكون الرد
ملناش دعوه خاينا في حالنا ونسينا ان الجار ده له حق علينا
نسينا وصايا الرسول صلى الله عليه وسلم عن حق الجار
وبقينا وحشيين مع بعض ونرجع نقول زمن غريب ومفهوش خير الزمان مش بيتغير إحنا إللي بنتغير والعيب فينا إحنا
ياريت نرجع من تاني ونحاول مع بعض كلنا ندور على الخير اللي جوانا
وفى القاء القادم هنتكلم عن الحاضر وسلبياته واتمنا نقدر مع
نراجع أيام الزمان الجميل

                                  تحياتي زيزي صلاح