بقلم ..عبدالتواب الجارحي
بعد رفع الحكومة لأسعار الوقود
……………..
جايب لكم أحلى هدية
ركوبة حلوة وهنية
هدية ليكم يا حبايبى
من غير فلوس ولا نقدية
هتقضى بيها أيها مشوار
وتمشى بها ليل ويا نهار
وتكون بديل للعربية
وماتورها داير بالبرسيم
ولا حوجة للجاز والبنزيم
وعندى منها موديل قديم
بتشيل كمان رجالة وحريم
تركبها تمشى فى اى طريق
من غير ضجيج ولا حتى زعيق
ومن فصيلة حمورية
وكلاكسه من قدام تنهيق
وتحت ديله بمب وطقاطيق
وبردعة بسرج وتزاوييق
وليها بطيخه من قدام
تركب عليها وتشد لجام
وديله يابا يهوى عليك
لعند توصل جوه الدار
لا يهمه زحمه ولا إشارة
ويخش بيك أيها حارة
ويعدى كوبرى وخطارة
وف اى وقت تلاقى رفيق
يسمعك أجدع تنهيق
لكنه فيه عيب بيرففس
ويمشى خطوة ويتنمس
وان جيت تقوله شى يا حمار
تلقاه ظررت وكمان قمص
………..
مع تحياتى اخوكم عبد التواب الجارحى الفيوم سنورس منشأة بنى عتمان
