بقلم …إسلام عامر

بنات العِنَب

راحوا الصُبح في النور … وما رجعوش
كانوا حِلم طالع … وفجأة ما طلعوش
ضحكة كانت ساكنة ف قلوبهم
سبقتهم للجنة … وما ودّعوش

الطريق كان غدّار

خدهم غِدر … ورماهم نار
تريلا ماشية من غير إحساس
سواق نايم .. لا ضمير ولا إنذار

مصر سمعت صريخ البنات
كل شهيدة ليها صوت و ذات
مش رقم ف كشف ولا بيانات

يا اللي ماسك أرواح الناس بإيدك
خاف من حساب ربك
حاسب ع الوجع اللي ساكن البيوت
وع الأسر اللى بتبكي … ف سكوت

في كل حارة في البلد حكاية
عن حلم راح … وضحكة ورا مراية
وحق البنات … مش هيروح
لو فيك ضمير … خليه يبوح

يا ربّ صبّر كل أم موجوعة
واجبر كسر الأب وعيونه الممنوعة
واكتب لنا في الصبر أجر كبير
وخلّي الحق ف وشّ الكل … يطير

بنات العنب في القلب حيّة
أرواحهم طاهرة وزيّ النية
هيفضلوا نور ف عيون الحياة
ويشهد عليهم صُبح القضية

بنات العنب